بهجت آباد خاطره‌سی

توسط: وحید

گهگاه که دلم هوای شعر میکنه اولین گزینه، دیوان اشعار استاد شهریاره برام. مخصوصا اشعار تورکی استاد. دیشب یه غزلی تورکی میخوندم دیدم واقعاً حیفه ننویسمش اینجا.

یه توضیحی هم بدم که این غزل رو استاد در مورد خاطره ی یک شب فراموش نشدنی سروده، شبی که با معشوقه‌ش تو باغ بهجت آباد قرار گذاشته بود اما خبری از اون نشد و استاد شهریار تا صبح تو باغ منتظر مونده بود.

 

بهجت آباد خاطره سی

اولدوز سایاراق گؤزله‌میشم هر گئجه یاری   /   گئج گلمه‌ده دیر یار، یئنه اولموش گئجه یاری

گؤزلر آسیلی، یوخ نه قارالتی نه ده بیر سس   /   باتمیش قولاغیم، گؤر نه دؤشورمکده‌دی داری

بیر قوش «آییغام» سویلیه رک، گاهدان اییلده‌ر   /   گاهدان اونودا یئل دئیه لای لای هوش آپاری

یاتمیش هامی، بیر آللاه اویاقدیر داها بیر من   /   مندن آشاغی کیمسه یوخ اوندان دا یوخاری

قورخوم بودی یار گلمیه، بیردن یاریلا صبح   /   باغریم یاریلار، صبحوم آچیلما سنی تاری

دان اولدوزی ایسته‌ر چیخا، گؤز یالواری چیخما   /   او چیخماسادا، اولدوزومون یوخدی چیخاری

گلمز، تانیرام بختیمی، ایندی آغارار صبح   /   قاش بیله آغاردیقجا داها باش دا آغاری

عشقین کی قراریندا وفا اولمیا جاقمیش   /   بیلمم کی طبیعت نیه قویموش بو قراری؟

سانکی خوروزون سون بانی خنجردی سوخولدی   /   سینه‌مده اورک وارسا، کسیب قیردی داماری

ریشخندیله قیرجاندی سحر سویله‌دی: دورما   /   جان قورخوسی وار عشقین اوتوزدون بو قماری

اولدوم قره گون، آیریلالی او ساری تئلدن   /   بونجا قره گونلردی ائدن رنگیمی ساری

گؤز یاشلاری هر یئردن آخارسا منی توشلار   /   دریایه باخار، بللی دی چایلارین آخاری

از بس منی یاپراق کیمی هجرانلا سارالدیب   /   باخسان اوزونه سانکی قیزیل گولدی، قیزاری

محراب شفقده اوزومی سجده ده گؤردوم   /   قان ایچره غمیم یوخ، اوزوم اولسون سنه ساری

عشقی واریدی شهریارین گللی چیچکلی   /   افسوس قارا یل اسدی، خزان اولدی بهاری